“სხვებმა კი ვერ მოიფიქრეს ასეთი შათლახობა – მარტო ამ კომუნისტმა!” – თენგო გოგოტიშვილი გიორგი ვოლსკიზე

აშშ-ს მხარის მიერ 4 ქართველ მოსამართლესთან მიმართებაში სანქციების დაწესების შემდეგ პარლამენტის პირველი ვიცე-სპიკერის, გიორგი ვოლსკის მიერ გაკეთებულ განმარტებებს, ქართულ სასამართლო სისტემასთან დაკავშირებით, ირონიანარევი შეფასებებით ეხმაურება “მთავარი არხის” ჟურნალისტი თენგო გოგოტიშვილი:

“ბებერი ვოლსკისა რქებიცა ხნავენო, ხო გაგიგიათ ანდაზა?

ჰოდა, ნახეთ, საიდან მოუარა – ამერიკელებმა დააფინანსეს ჩვენი სასამართლო რეფორმა და იმიტომაა ეგეთი… წარმატებულიო!

სხვებმა კი ვერ მოიფიქრეს ასეთი შათლახობა – მარტო ამ კომუნისტმა!

მაინც, რა არის შკოლა, ლეონიდ ილიჩ!” – წერს ფეისბუქის პირად გვერდზე თენგო გოგოტიშვილი.

ინფორმაციისთვის: სასამართლო სისტემასთან დაკავშირებით გიორგი ვოლსკი აღნიშნავს, რომ “2012 წლიდან, აშშ-ს და ჩვენი დონორი პარტნიორების მონაწილეობით, სერიოზული რეფორმები გატარდა სასამართლოში და არასოდეს გვითქვამს, რომ ეს მხოლოდ ჩვენი მიღწევაა. ჩვენი სასამართლო სისტემა მოწინავეა ევროკავშირის ქვეყნებს შორის“.