პარლამენტის ყოფილი დეპუტატი, ხათუნა ხოფერია, 2 მარტს პარლამენტში, “ხალხის ძალის” მიერ ინიცირებული კანონპროექტის განხილვისას ოპოზიციისა და არასამთავრობო სექტორის მხრიდან გამოხატულ მწვავე პოზიციას ეხმაურება, ირონიული შეფასებებით:
“არ ვიცი ვინ არის ოსტატი და არც ის ვიცი, ვინ არის მარგარიტა, მაგრამ გუშინ, საქართველოს პარლამენტს, ნამდვილად სტუმრობდა ვოლანდი თავის ამალასთან ერთად!
და იყო მეჯლისი სატანასთან… და იყვნენ ცოდვილი სულები…
მოკლედ, იყო ფარსი, სატირა, მისტიკა… იყო ოპოზიციაში განსხეულებული ეშმაკი ყოფითში… და იყო ქრისტესავით ჯვარზე გასაკრავად განწირული ჩვენი, ქართული, რწმენა და ეკლესია, რომელსაც პილატედქცეულნი პატიებასაც კი არ სთხოვდნენ…
გუშინ კიდევ ერთხელ დავინახეთ, რომ სატანაც და ღმერთიც, პირველ რიგში, ადამიანში ცოცხლობს!
რთულია, მაგრამ გავუძლებთ!
ჩემი მოკითხვა აზაზელოებს, ბეჰემოტებს და ფაგოტებს! მორჩით ოინებს! ხომ ხედავთ, რომ ვერ ქაჩავთ!
და მაინც… არული კუდიანებს!….)))))))…ჰაჰაჰაჰაჰ…“, – წერს ფეისბუქის პირად გვერდზე ხათუნა ხოფერია.
