თბილისის მერის, კახა კალაძის პოსტს საქართველოს ოკუპაციასთან დაკავშირებით, მწვავე შეფასებებს აძლევს ჟურნალისტი ვახო სანაია და კონკრეტულ განმარტებებს აკეთებს:
“ამ სტატუსში ყველაფერია:
ჯერ ერთი, ამოცანა იყო, რუსეთი არ ეხსენებინა. შეხედა ღარიბაშვილის ტექსტს და მიხვდა, რომ რუსეთი არ უნდა დაეწერა. ამასთან, იფიქრა, არ მინდა, მთლად ეგეთი ბანძი გამოვჩნდეო, როგორიც ღარიბაშვილიაო. ღარიბაშვილზე უკეთესი ჰგონია თავი, ოღონდ სულ ტყუილად, ,,დაჟე” უარესია.
მეორეც, მართლა არ იცის, საბჭოთა კავშირი როდის შეიქმნა (არც მან, ვინც დაუწერა). რომ ცოდნოდა, შოკში ჩავვარდებოდი. ჰოდა, იფიქრა, მოდი საბჭოთა კავშირს ვიტყვიო – ასე გამოძრომა გადაწყვიტა.
შესაბამისად, სტატუსში მივიღეთ ღალატის, ლაჩრობისა და უვიცობის ნაზავი, რომლის შემოპარება ტექსტის დანარჩენი ნაწილის ფონზე ცადა.
ოკუპაციის ისტორია ტენდერი არაა. მილიონობით ძვირად ნაყიდ ავტობუსებზე ძვირი ჯდება წარსულის დამახინჯება“, – წერს ფეისბუქის პირად გვერდზე ვახო სანაია.
ინფორმაციისთვის: კახა კალაძის პოსტი
