ამერიკელი სენატორები, ჯინ შაჰინი და დიკ დურბინი საქართველოში ჩამოვიდნენ და ოპოზიციონერ ლიდერებთან შეხვედრა გამართეს. შეხვედრის დასრულების შემდეგ ჟურნალისტებთან კომენტარი გააკეთა პარტია ,,დროას“ თავმჯდომარემ, ელენე ხოშტარიამ:
,,სენატორები საქართველოს დემოკრატიის, უსაფრთხოების დიდი ხნის მეგობრები არიან. მათ ძალიან კარგად ესმით რუსეთის საფრთხე. რა თქმა უნდა, ეს რეგიონი მთლიანად, უკრაინის ომიდან გამომდინარე, მათთვის არის ძალიან მნიშვნელოვანი.
ამ პერიოდში საუბარი ჩვენი უსაფრთხოების, დემოკრატიის გამოწვევებზე, მით უმეტეს მაშინ, როდესაც ჩვენი ქვეყნის პრემიერ-მინისტრი რუსეთის პოზიციებს აჟღერებს მიუნხენში, რა თქმა უნდა, ძალიან მნიშვნელოვანი არის მათი ვიზიტი.
ეს არის ის ხალხი, რომელსაც ,,ქართული ოცნების“ დეპუტატები შეურაცხყოფით მოიხსენიებენ.
ეს არის ის ხალხი, რომელსაც ყველაზე დიდი მხარდაჭერა შეუძლია ჩვენი უსაფრთხოების მხრივ“, – განაცხადა ელენე ხოშტარიამ.
ავტორი
ნინი ხიჯაკაძე
