“ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა ომისა და მშვიდობის, გამარჯვების ანატომიაზე საუბრობს, სოციალურ ქსელში გამოქვეყნებულ პოსტში:
“უკრაინის გამარჯვება, მაშინ გამოიჭედა, როცა ის მსხვერპლის როლში არ ჩადგა, რაც ძალიან უნდოდა რუსულ საინფორმაციო პროპაგანდას. უკრაინამ აირჩია მეომრის გზა. ვიზუალური და ვერბალური (თუ გნებავთ ორალური) სიმბოლოები, რომელსაც ისინი იყენებენ, არის ძალიან ზუსტად შერჩეული და ორიენტირებული გამარჯვებისაკენ.
თუ გვინდა გამარჯვება, უნდა გავთავისუფლდეთ ომის კომპლექსისგან, რომელსაც “ქართული ოცნება” თავს გვახვევს. ჩვენი გზაც მეომრის გზაა და სანამ ამას არ გავაცნობიერებთ, მანამდე გამარჯვება არ მოვა.
ომი მხოლოდ რაკეტები და ტანკები არ არის, ომი სიცოცხლის სიკვდილზე გამარჯვების გზაა“, – წერს ფეისბუქის პირად გვერდზე ლელა ჯეჯელავა.
