“ჩვენ ვიქნებით ხალხთან, ხალხის ინტერესების დასაცავად, საქართველოს სუვერენიტეტისა და დემოკრატიის დამოუკიდებლობის სადარაჯოზე” – აკია ბარბაქაძე

დღეს, თბილისის კლასიკური გიმნაზიის წინ, ოპოზიციური პარტიებისა და საზოგადოების სხვადახვა სფეროს წარმომადგენლები შეიკრიბენენ და ეროვნულ-განმათავისუფლებელი მოძრაობის დაწყება დაანონსეს. სიტყვით გამოსვლისას კონკრეტული სეფასებები და განმარტებები გააკეთა სამხედრო ექსპერტმა, ეროვნული უშიშროების საბჭოს მდივნის ყოფილმა მოადგილემ ალექსი (აკია) ბარბაქაძემ:

,,ჩვენ დღეს ვაცხადებთ, რომ ვიწყებთ ეროვნულ-განმათვისუფლებელ მოძრაობას. ეს დასრულდება საქართველოს დეოკუპაციით. საქართველო განთავისუფლება კოლაბორაციონიზმისაგან. მიტაცებული ხელისუფლება დაუბრუნდება ხალხს.

ჩვენ ვდგავართ ერთად, ჩვენ ვიბრძოლებთ ერთად, ვიბრძოლებთ ბოლომდე! ჩვენ დავიწყებთ 24 თებერვალს უკრაინის სოლიდარობის აქციით, რუს ფაშისტებთან მებრძოლი უკრაინელი ხალხის სოლიდარობის აქციით!

ჩვენი აქციები იქნება ქართველი ხალხის ერთიანობის დემონსტრირება! ჩვენი აქციები იქნება მზარდი. ჩვენ ვაიძულებთ კოლაბორაციონისტებს უკან დახევას; ვაიძულებთ უარი თქვან და შეწყვიტონ რუსული ინტერესების გატარება საქართველოს ხელისუფლების სახელით! ჩვენ ვიქნებით ხალხთან, ხალხის ინტერესების დასაცავად, საქართველოს სუვერენიტეტისა და დემოკრატიის დამოუკიდებლობის სადარაჯოზე“, – განაცხადა აკია ბარბაქაძემ.

ავტორი
ნინი ხიჯაკაძე