“შეხვედრა გავმართეთ ნიდერლანდების პოლიტიკური პარტია ,,D66”-ის საერთაშორისო მდივანთან, მიეს ბოსისთან” – გიორგი ვაშაძე

გრძელდება “სტრატეგია აღმაშენებლის” თავმჯდომარის, გიორგი ვაშაძისა და პოლიტიკური საბჭოს წევრის სერგო ჩიხლაძის ვიზიტი ევროპაში. პარტიის ლიდერებმა ბრატისლავაში, “ALDE”-ს პოლიტიკურ ჯგუფში გაერთიანებული პარტიების შეხვედრის ფარგლებში მაღალი დონის შეხვედრებს მართავენ წამყვანი ქვეყნების პარტიულ ლიდერებთან:

,,D66” ეს არის პოლიტიკური პარტია, რომელიც ღიად, მკაფიოდ, მხარს უჭერს ევროკავშირის გაფართოებას და არის ერთ-ერთი მთავარი პარტნიორი, მათ შორის, საქართველოს მხარდაჭერის კუთხით ევროკავშირის გაფართოებაზე. თუმცა, მათთვისაც განსაკუთრებით მნიშვნელოვანია, რომ საქართველომ შეასრულოს თორმეტივე პუნქტი და არ არის საკმარისი, მხოლოდ და მხოლოდ, ზედაპირული მუშაობა.

აი ეს არის მესიჯი, რასაც ჩვენ ვიღებთ და ამიტომაც ვრთავთ განგაშის ზარს, რომ 12 პუნქტი უნდა შესრულდეს სრულფასოვნად, პოლიტპატიმრები უნდა განთავისუფლდნენ, მართლმსაჯულებაში რეალური რეფორმები უნდა განხორციელდეს და ევროკავშირის კანდიდატი ქვეყნის სტატუსის მისაღებად სრული მხარდაჭერა გვექნება. თუ ეს არ მოხდება, სამწუხაროდ, ჩვენ შეიძლება კვლავ ცუდი შედეგი მივიღოთ 2023 წლის დასასრულს,” – აცხადებს გიორგი ვაშაძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს