“ერთიანი ნაციონალური მოძრაობის” თავმჯდომარეობის კანდიდატის, ლევან ხაბეიშვილის მიერ გაკეთებულ კონკრეტულ შეთავაზებას, ეხმიანება თავმჯდომარეობის კიდევ ერთი კანდიდატი გიორგი ჩალაძე და ოფიციალურ განცხადებას აკეთებს არჩევნებში მონაწილეობასთან დაკავშირებით:
“პრეზიდენტ სააკაშვილის საკითხი არის ერთადერთი, რაზეც სრული კონცენტრირებაა საჭირო, შესაბამისად ჩემთვის ყველაფერი სხვა დანარჩენი არის მეორეხერისხოვანი.
დღეს ლევანის გამოსვლას ვუსმინე, საჭიროა ერთად დასხდომა და საუბარი. ეს უნდა დაწყებულიყო შარშან, 3 ოქტომბერს და მიხეილ სააკაშვილის თემა უნდა იყოს პირველი, ეს არის ჩვენი ქვეყნის ევროპული მომავლის საკითხი.
შესაბამისად, მე მინდა ვთქვა, რომ ვხსნი ჩემს კანდიდატურას. მე აღარ დავაყენებ არჩევნებში ჩემს კანდიდატურას, მაგრამ აქვე აღვნიშნავ, არანაირი შტაბების ფორმალური გაფორმება, სტრუქტურული ერთეულები ან სხვა რამე არ არის საჭირო. ეს უნდა იყოს ფართო კონსენსუსი! ჩვენ გვჭირდება პროცესი პრეზიდენტ სააკაშვილისთვის და არა სხვისთვის.
მე ძალიან მოვუწონებ, ვიღებ ამ ნათქვამს ისე როგორც გავიგე, ზუსტად ის, რაც დავასახელე. ჩვენი ხალხის, პრეზიდენტ სააკაშვილის მხარდამჭერების, ჩვენი ქვეყნის ერთგული პატრიოტების სურვილი და იმედი მაქვს პარტია და ყველა სხვა დანარჩენი რესურსი ამომიდგება მხარში, რომ ჩვენი ქვეყნის პრეზიდენტი გადავარჩინოთ ერთად.
შესაბამისად, საჯაროდ ვხსნი ჩემს კანდიდატურას!” – განაცხადა გიორგი ჩალაძემ.
