თბილისის საკრებულოს ფრაქცია ,,ერთიანი ნაციონალური მოძრაობის“ თავმჯდომარე ირაკლი ნადირაძე საგანგებო ფრიფინგზე განცხადებას აკეთებს იმასთან დაკავშირებით, რომ პარტიის შიგნით მოხდეს ყველა დონეზე შიდაპარტიული არჩევნების ჩატარება და დემოკრატიული პრინციპების გაძლიერება:
,,დღეს მე აქ ვარ ,,ნაციონალური მოძრაობის“ რეგიონალურ ლიდერებთან ერთად. ჩვენ გვინდა გავაჟღეროთ მოთხოვნა ,,ერთიანი ნაციონალური მოძრაობის“ ხელმძღვანელების მიმართ. ჩვენ ვფქირობთ, რომ პარტიის გაძლიერებას საფუძვლად უნდა დაედოს შიდა პარტიული დემოკრატიის გაძლიერება და შიდა პარტიული არჩევნები ყველა დონეზე.
ჩვენ ვითხოვთ ჩატარდეს ყველა დონის არჩევნები. ხელახლა აირჩეს პოლიტიკური საბჭო და რაც ყველაზე მთავარია ჩატარდეს თავმჯდომარის ახალი არჩევნები იმიტომ, რომ ვფიქრობთ, ,,ნაციონალური მოძრაობის“ თავმჯდომარეს უნდა ჰქონდეს ასობით ათასი მისი გულმხურვალე, მებრძოლი, ერთგული და პატრიოტი ამომრჩევლის ლეგიტიმაცია, რათა ახალი ენერგიით, გეგმით, ბრძოლის უნარიანობით ვიბრძოლოთ ამ ქვეყნის თავისუფლებისთვის“, – განაცხადა ირაკლი ნადირაძემ.
ავტორი
ნინი ხიჯაკაძე
