“ქართულმა ოცნებამ” ჩაიხედა სარკეში, მოინდომეს მისი დამტვრევა, ესროლეს და ესროლეს ქვები, პირდაპირ ურტყამდნენ ლომჯარიას, ოღონდ არცერთი არ მოხვდა – რომან გოცირიძე

მმართველ პარტიის მიმართ, “მთავარი არხის” ჟურნალისტთან, მწვავე და ირონიულ კომენტარს აკეთებს ფრაქცია ,,ერთიანი ნაციონალური მოძრაობა – ძალა ერთობაშიას“ წევრი რომან გოცირიძე, სახალხო დამცველის, ნინო ლომჯარიას მიერ წარდგენილ ანგარიშზე მათ მიერ გამოხატული პოზიცია/დამოკიდებულების გამო:

,,ქართულმა ოცნებამ“ სახალხო დამცველის მოხსენებაში დაინახა საკუთარი თავი. ჩაიხედა სარკეში და ძალიან არ მოეწონა, ძალიან მახინჯი გამოჩნდა მათი პოლიტიკა და შედეგები, ამ 10 წლიანი მმართველობის პერიოდში. მოინდომეს ამ სარკის დამტვრევა, ესროლეს და ესროლეს ქვები, პირდაპირ ურტყამდნენ ლომჯარიას, ოღონდ არცერთი არ მოხვდა.

წინასწარ დაწერილი ტექსტები ჰქონდათ, მართლა მეცინება, რომ მახსენდება გუშინდელი დღე, ურიგებდნენ გამოსვლელებს, ოღონდ აერიათ თემები. ერთი რომ უნდა გამოსულიყო ქალთა უფლებებზე, იურიდიული საკითხები მისცეს და ვერ წაიკითხეს. მოკლედ, ცოდვის რეალი იყო“, – განაცხადა რომან გოცირიძემ.

ავტორი
ნინი ხიჯაკაძე