“ჩვენ ახლა საზღვარი რომ დავხუროთ, ამ გადაწყვეტილებით ხელს შევუწყობთ პუტინს” – ნიკოლოზ სამხარაძე

საგარეო ურთიერთობათა კომიტეტის თავმჯდომარე ნიკოლოზ სამხარაძე პარლამენტში გამართულ ბრიფინგზე კომენტარს აკეთებს იმასთან დაკავშირებით, თუ რატომ არ ხდება რუსეთის მოქალაქეებისთვის საზღვრის ჩაკეტვა. საპარლამენტო უმრავლესობის წევრი აღნიშნულ საკითხს ,,მორალური დილემით“ ხსნის:

,,აქ ჩვენ გვაქვს ერთგვარად მორალური დილემა. იმიტომ, რომ ეს ადამიანები გამორბიან რუსეთიდან იმის გამო, რომ არ შეეხოთ მათ მობილიზაცია და არ წავიდნენ საომრად უკრაინაში.

შესაბამისად, ჩვენ ახლა საზღვარი რომ დავხუროთ, ამ გადაწყვეტილებით, რა თქმა უნდა, ხელს შევუწყობთ პუტინს იმაში, რომ მოაგროვოს ეს ადამიანები და გაუშვას საომრად უკრაინაში.

აქედან გამომდინარე, ჩვენთვის ეს გადაწყვეტილება ძალიან ძნელად მისაღებია. იმიტომ, რომ ჩვენ არ გვინდა ამ საქმეში პუტინს ხელი შევუწყოთ“, – განაცხადა ნიკოლოზ სამხარაძემ.

ავტორი
ნინი ხიჯაკაძე