“ერთიანი ნაციონალური მოძრაობის” პოლიტიკური საბჭოს წევრი ხატია დეკანოიძე სოციალურ ქსელში პოსტს აქვეყნებს, სადაც კონკრეტულ შეთავაზებას აკეთებს, რომ ყველამ, ვინც საჯარო აქტიურობაშია ჩართული და პრეტენზია აქვს სხვებთან, საჯარო გახადოს საკუთარი შემოსავლები:
“საერთოდ, ივანიშვილის რეჟიმს ვინც ებრძვის და საჯარო აქტიურობაშია ჩართული, ვისაც პრეტენზია აქვს სხვებთან – მომხრე ვარ საკუთარი შემოსავლები საჯარო გახადოს.
მე მზად ვარ ჩემი საბანკო ანგარიშები და ჩემი ოჯახის წევრების გავასაჯაროვო. ყველა თეთრი. დეკლარაციის მიღმაც, თუ რამე დაინტერესება იქნება.
პოლიტიკაში ყოფნის დროს შეძენილი ნივთებიც.
ვფიქრობ, სასარგებლო ლუსტრაცია იქნება“, – წერს ფეისბუქის პირად გვერდზე ხატია დეკანოიძე.
