სახალხო დამცველის კანდიდატის შერჩევის პროცესი დაიწყო. აღნიშნულ საკითხზე პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ თავმჯდომარე გიორგი ვაშაძე:
,,არსებობს ერთადერთი სამუშაო ჯგუფი, რომელშიც სრულიად ოპოზიცია ჩაერთო ივლისის ბოლოს. სამოქალაქო სექტორმა დაიწყო კონკრეტული კანდიდატების შერჩევა. ჩვენ, ყველამ პირობა დავდეთ, რომ სწორედ იმ კანდიდატებიდან, ღირსეულთა შორის ღირსეულს, დავუჭერდით მხარს.
მე ის ნაბიჯები, რაც სხვებმა გადადგეს – არ მესმის, თორემ ჩვენ ,,სტრატეგია აღმაშენებელი“ ვართ თანმიმდევრული.
რაც შეეხება პრორუსულ ,,ქართულ ოცნებას“ – მის თაღლითურ სქემაში, რომელიც მოიფიქრეს ერთადერთი მიზნისთვის, რომ ჩაშალონ სამოქალაქო სექტორის მიერ წამოწყებული პროცესი, რაღა თქმა უნდა, მონაწილეობას არ მივიღებ, არც ვაპირებ!“, – განაცხადა გიორგი ვაშაძემ.
ავტორი
ნინი ხიჯაკაძე
