მმართველი პარტიის აღმასრულებელი მდივანი მამუკა მდინარაძე განსაკუთრებით მწვავე კრიტიკულ განცხადებას აკეთებს ,,ერთიანი ნაციონალური მოძრაობის“ მიმართ. ფრაქცია ,,ქართული ოცნების“ თავმჯდომარის განცხადებით, მმართველ გუნდს იმიტომ ებრძვიან, რომ მათი თითოეული ქმედება განპირობებულია საქართველოს და არა სხვა ქვეყნის ინტერესებიდან გამომდინარე:
,,ასეთი მსუბუქი ყოფაქცევის პარტია, როგორიც არის ,,ნაც. მოძრაობა“, მსოფლიოში არ არსებობს. ხან რომელ ქვეყანას უწვებიან მტრულს, ხან რომელს მოყვარეს. ამას არ აქვს მნიშვნელობა – აგენტი აგენტია! სხვისი ქვეყნის ინტერესების გამტარებელი, რა თქმა უნდა, მტრის ინტერესის გამტარებელი კიდევ უარესია, ბევრად ნაკლები არ არის სხვა ნებისმიერ ქვეყნის ინტერესების გამტარებელი.
ისინი ყოველთვის ცდილობენ – როდის, როგორ აწყობთ, იმ ქვეყნის ინტერესი გაატარონ. ჩვენ ვცდილობთ სხვა რამეს – ჩვენ ვცდილობთ, რომ საქართველოს ინტერესებიდან გამოვიდეთ. ისინი საქართველოს ინტერესებს ცდილობენ და პიარულად რუსულ ინტერესებს არქმევენ.
ჩვენ ყოველთვის გამოვდივართ საქართველოს სახელმწიფოს ეროვნული ინტერესებიდან. ყველამ დაიმახსოვროს, რაც არ უნდა რომელი ქვეყნის ინტერესიც არ უნდა ატაროს – ელენე ხოშტარიამ რუბლების სანაცვლოდ, სხვამ სხვა რაღაცების სანაცვლოდ, საბოლოო ჯამში, ყველა სხვა ქვეყნის ინტერესი იქნება მეორე ხარისხოვანი და პირველ პლანზე იქნება – საქართველოს ეროვნული ინტერესი!
ამას არ გვპატიობენ! ამისთვის გვებრძვიან! შესაბამისად, ერთი მხრივ – რეზოლუცია არ დაავიწყდეთ, როდესაც ქართველ ჯარისკაცებს ჩაუწერეს, რომ ომი მათ დაიწყეს. ამაზე მოუწერეს რუსებს ხელი და რუსული ინტერესების გატარებაზე ლაპარაკობენ სხვისი მხრიდან?!
მეორე მხრივ – სხვა ნებისმიერი ქვეყნის ინტერესების გატარება, როცა ეს შეიძლება არ ჯდებოდეს საქართველოს ინტერესში, არის ასევე მოღალატეობრივი“, – განაცხადა მამუკა მდინარაძემ.
ავტორი
ნინი ხიჯაკაძე
