უკრაინის მხარდამჭერ აქციაზე მამუკა ხაზარაძესა და მიხეილ სააკაშვილის მხარდამჭერს შორის მომხდარ ინციდენტს ეხმაურება პარტია “კანონი და სამართლის” თავმჯდომარე თაკო ჩარკვიანი:
“ისე გამაგებინეთ ადამიანებო, კოლეგებო, უკრაინის მხარდამჭერ აქციაზე, რატომ არ შეიძლებოდა ყოფილიყო უკრაინის მოქალაქის მიხეილ სააკაშვილის მხარდასაჭერი პლაკატი?! რომელიც პოლიტპატიმარია, ციხეშია უკიდურესად დაუძლურებული, რომელსაც ამდენი რამ აქვს გაკეთებული უკრაინისთვის და რუსეთთან – პუტინთან დაპირისპირებული საქართველოს მესამე პრეზიდენტია, მართლა მაინტერესებს რა ხდება?!
აღარაფერს ვამბობ იმაზე, რომ არ შეიძლება უდიერად მოეპყრო ამომრჩეველს მოქალაქეს (სულ რომ გაღიზიანებდეს), ვის აქვს ამის უფლება??? (დაუშალო ნების გამოხატვა) რბილად რომ ვთქვათ არასწორია, ობიქტურად კი სამომავლოდ საშიშია ასეთი ქმედება, ამ შერჩევითი “დემოკრატიით” შორს ვერ წავა პროცესი.
ცუდი სანახავი იყო ეს ყველაფერი (ცუდი ფორმით გამოხატული ), ვერ “პრავდება” და რაც უფრო შეეცდება რომელიმე ლიდერი ამ საქციელის გამართლებას კიდევ უფრო ცუდი იქნება სამომავლოდ. დემოკრატია “ჯიბის” პრივატიზირებული არ არის !!!🙏✌️” – წერს თაკო ჩარკვიანი ფეისბუქის პირად გვერდზე.
