პარტია ,,ლელოს“ წევრმა ანა ნაცვლიშვილმა პარლამენტში მართლმსაჯულების რეფორმის შესახებ ერთგვარი შეფასებითი დოკუმენტი წარადგინა. ოპოზიციონერი ლიდერის აზრით, “ქართული ოცნების” ხელისუფლების დროს ამ მხრივ რეფორმა არ განხორციელებულა:
,,ეს არის დოკუმენტი, რომელიც ფაქტებზე, არგუმენტებზე, ტენდენციებზე დაყრდნობით აჩვენებს, რომ ამ წლების განმავლობაში ,,ქართულ ოცნებას“ არ განუხორციელებია სასამართლო რეფორმა.
რაც შეიცვალა ამ წლების განმავლობაში იყო კანონების ფორმულირება. რაც არ შეიცვალა და ხელუხლებელი დარჩა იყო სასამართლოს უაღრესად დისკრედიტირებული კორპუსი და სასამართლოს მართვის მოდელი.
,,ქართულმა ოცნებამ“ არ შეცვალა ადამიანები სასამართლოში და ამ ადამიანების მართვის სქემა.
ახლა მე ვსვამ კითხვას: თუ არც ადამიანები იცვლებიან, არც ადამიანების მართვის და კონტროლის სქემა, მაშინ რა აზრი აქვს კანონში განხორციელებულ ცვლილებებს?!“, – განაცხადა ანა ნაცვლიშვილმა.
ავტორი
ნინი ხიჯაკაძე
