“ქართულმა ოცნებამ” ძალიან კარგად იცის, რომ ევროპული დემოკრატიისთვის შეუთავსებელია მმართველობის ის ფორმა, რომელიც არის საქართველოში – პაატა მანჯგალაძე

ამერიკის შეერთებული შტატების ელჩის წინააღმდეგ გაკეთებულ შეფასებებზე ვაშინგტონიდან კრიტიკული განცხადება გაჟღერდა მმართველი გუნდის მიმართ. სახელმწიფო დეპარტამენტის პრეს-სპიკერის, ნედ პრაისის ხელისუფლებისადმი მოწოდებაზე პოლიტიკური შეფასება გააკეთა საქართველოს პარლამენტის წევრმა, ,,სტრატეგია აღმაშენებლის’’ გენერალურმა მდივანმა პაატა მანჯგალაძემ:

,,ბრძოლა აქვთ გამოცხადებული პროდასავლური კურსის მიმართ. ამას აკეთებენ ერთი მიზნით – ,,ქართულმა ოცნებამ“ ძალიან კარგად იცის, რომ ევროპული დემოკრატიისთვის შეუთავსებელია მმართველობის ის ფორმა, რომელიც არის საქართველოში. ქვეყანას მიათრევს რუსულ ჭაობში, რადგან რუსულ ჭაობში ამ ტიპის ხელისუფლების და ამ ტიპის მმართველობისთვის უფრო მეტი სასიცოცხლო გარემო არსებობს.

ეს გზავნილი – ის, რომ საქართველოს თემატიკით დაიწყო განცხადება პრეს-სპიკერმა, მიუთითებს იმაზე, რომ საქართველო ევროკავშირის ნაცვლად შეუერთდა იმ ანტიდემოკრატიულ ქვეყნებს, როგორიცაა – ვენესუელა, სირია, ბელორუსი, ირანი“, – განაცხადა პაატა მანჯგალაძემ.

ინფორმაციისთვის: აშშ-ის სახელმწიფო დეპარტამენტის პრესსპიკერის, ნედ პრაისის განცხადებას ავრცელებს, საგაც სრულ მხარდაჭერას უცხადებს საქართველოში აშშ-ს ელჩ კელი დეგნანს და კრიტიკულ პოზიციას აფიქსირებს საქართველოს ხელისუფლებისადმი:

“დეზინფორმაცია და პირადი თავდასხმა ელჩ დეგნანსა და მის გუნდზე არ შეესაბამება იმას, თუ როგორ ურთიერთობენ პარტნიორები ერთმანეთთან” – ნედ პრაისი

ავტორი
ნინი ხიჯაკაძე