საქართველოში ამერიკის შეერთებული შტატების საელჩოში დღეს გამართული მიღებისას, ადგილი ჰქონდა ინციდენტს, რასთან დაკავშირებითაც საელჩო სპეციალურ განცხადებას ავრცელებს:
“აშშ-ის საელჩოსთვის ცნობილია ინფორმაცია ჩვენი დამოუკიდებლობის დღისადმი მიძღვნილი ღონისძიებისას საელჩოს ტერიტორიაზე დაპირისპირების შესახებ. ჩვენ ვსწავლობთ ამ ინფორმაციას“, – ნათქვამია საელჩოს განცხადებაში.
ინფორმაციისთვის: ამერიკის შეერთებული შტატების საელჩოში დღეს გამართული მიღებისას, “ქართული ოცნების” დეპუტატებსა და ტვ “პირველის” დამფუძნებელს, ვატო წერეთელს შორის მოხდა ფიზიკური დაპირისპირება. როგორც ვატო წერეთელი აცხადებს, მას ფიზიკური შეურაცხყოფა მიაყენეს და მოითხოვს შესაბამისი კადრების გასაჯაროვებას აშშ-ს საელჩოსგან. თავის მხრივ, დეპუტატი ანრი ოხანაშვილი აცხადებს, რომ ადგილი ჰქონდა პროვოკაციას.
