“არაფერი დასამტკიცებელი არ აქვს ბატონ ბიძინა ივანიშვილს!” – არჩილ თალაკვაძე

საპარლამენტო უმრავლესობის წევრი არჩილ თალაკვაძე კომენტარს აკეთებს ევროკომისიის მიერ მიღებულ გადაწყვეტილებაში ხსენებულ საქართველოში დეოლიგარქიზაციის დასრულების საკითხზე და აცხადებს, რომ უკრაინაში არსებული კანონის თანახმად ოლიგარქები ოპოზიციურ სპექტრში არიან;

,,რა კანონიც მიიღო უკრაინამ, ამ საკითხთან მიმართებაში, იმ კრიტერიუმებით რადიკალურ ოპოზიციას ჰყავს მინიმუმ 4 ოლიგარქი, თუ ეს კანონი დღეს საქართველოში იქნება ზუსტად იმ სახით მიღებული – ხაზარაძე, ჯაფარიძე, სააკაშვილი, კეზერაშვილი – აი, ეს გვარები ითქვა.

არაფერი დასამტკიცებელი არ აქვს ბატონ ბიძინა ივანიშვილს! არაფერი! დასამტკიცებელი თუ ვინმეს რამე ექნება სწორედ ამ ჩამოთვლილ გვარებს ექნებათ. იმიტომ, რომ მათ კონკრეტული ქმედებები, გადაწყვეტილებები და მონაწილეობა აქვთ მიღებული. აი ეს კანონი თუ იქნება ისეთი სახით მიღებული, როგორც უკრაინაში – სწორედ მათ ექნებათ პასუხები გასაცემი“, – განაცხადა არჩილ თალაკვაძემ.

ავტორი
ნინი ხიჯაკაძე