“ოლიგარქიასთან დაკავშირებით, თქვენ რომ ძალიან გინდათ, ამის მიუხედავად ბიძინა ივანიშვილზე ვერ იქნება – ბუნებაში არ არსებობს ასეთი” – მამუკა მდინარაძე

პარლამენტის ფრაქცია “ქართული ოცნების” თავმჯდომარე მამუკა მდინარაძე ევროკომისიის მხრიდან დეოლიგარქიასთან დაკავშირებით გაკეთებული ხაზგასმის პასუხად აცხადებს, რომ ამ შემთხვევაში ბიძინა ივანიშვილი არ იგულისხმება:

“თქვენ იცით, ოლიგარქიასთან დაკავშირებით არა მხოლოდ საქართველოს კონტექსტში იყო საუბარი, არამედ სხვა კონტექსტშიც იყო საუბრები.

ზოგადად ყველა რეკომენდაციასთან დაკავშირებით ჩვენ მჭიდრო თანამშრომლობას და მუშაობას ვაპირებთ ევროკომისიასთან – ეს საკითხიც არ გადაიხედება, მჭიდრო თანამშრომლობას და მუშაობას ეხება.

ერთი პატარა მტკიცებულებაც კი, ნებისმიერი პირის მიმართ, ვისზეც რეალურად იქნება ერთი პატარა მტკიცებულებაც კი ოლიგარქიის არსიდან გამომდინარე, რადგან ეს სიტყვა ჩაიწერა და იხსენა, არა მხოლოდ საქართველოსთან მიმართებაში, სხვათა შორის, ოლიგარქია ხომ იმას ნიშნავს, რომ რაღაც დიდი გავლენის მცირე ჯგუფი, ადამიანები ან ადამიანი მართვას რაღაც პროცესებს, არალეგიტიმურად, მათ შორის, – ოლიგარქიის განმარტება ხომ ეს არის?

ერთი მტკიცებულება მცირეც კი, რაც კი შეიძლება იყო წარმოდგენილი, ოლიგარქიასთან დაკავშირებით, ვისაც არ უნდა ეხებოდეს, ჩვენს მიერ იქნება განხილული. ასეთი მტკიცებულება, თქვენ რომ ძალიან გინდათ, ამის მიუხედავად, ბიძინა ივანიშვილზე ვერ იქნება, ბუნებაში არ არსებობს ასეთი“, – აცხადებს მამუკა მდინარაძე.