პარლამენტის ფრაქცია ,,ლელო – პარტნიორობა საქართველოსთვის“ წევრი ანა ნაცვლიშვილი მწვავედ აკრიტიკებს ვიცე-პრემიერს თეა წულუკიანს, ტელეკომპანია “იმედის” ეთერში, გადაცემაში “იმედი LIVE” გამოთქმული მოსაზრებების გამო:
,,არც ამერიკის შეერთებულ შტატებს და არც არასამათავრობო სექტორს თავისი ღირებულებები ამ წლების განმავლობაში არ შეუცვლიათ. აი, თეა წულუკიანი კი 180 გრადუსით არის შემოტრიალებული.
ახლა აღარ მოსწონს ამერიკის ელჩი? თავის დროზე, როცა ოპოზიციაში იყო, მაშინ მოსწონდა და ეგულებოდა ხომ ის დასაყრდენად? ახალ აღარ მოსწონს დასავლეთი წულუკიანს? – რომელიც წლების განმავლობაში, ყველაფერს რომ თავი დავანებოთ, ხელფასს იღებდა ერთ-ერთი მთავარი დასავლური ინსტიტუციისგან.
თაე წულუკიანზე არ დგას, რა თქმა უნდა, საქართველოს იმიჯი, მაგრამ ერთიანობაში თუ შევხდავთ – ჩვენ ვხედავთ, რომ წვეთ-წვეთად და სისტემურად ხელისუფლების წარმომადგენლები საქართველოში დასავლეთის საწინააღმდეგო მენტალობას აღვივებენ“, – განაცხადა ანა ნაცვლიშვილმა.
ავტორი
ნინი ხიჯაკაძე
