“ეს არის ჯელალ ქიქავას სახით მიხეილ სააკაშვილის პოლიტიკური მომხრეების დასჯა” – შოთა თუთბერიძე

თბილისის საქალაქო სასამართლო ,,ნაციონალური მოძრაობის“ აჭარის რეგიონალური ორგანიზაციის წევრს ჯელალ ქიქავას სასამართლოსადმი უპატივცემულობას ედავება და პატიმრობა შეუფარდა. საუბარია 28 მარტს საქართველოს მე-3 პრეზიდენტის სასამართლო პროცესზე, სადაც სიტყვიერი შელაპარაკების გამო ჯელალ ქიქავა დარბაზიდან გააძევს. აღნიშნულ საქმეზე კომენტარი გააკეთა ადვოკატმა შოთა თუთბერიძემ:

,,საქმეს განიხილავდა იგივე მოსამართლე, რომელმაც სავსებით დაუსაბუთებლად გასცა დაკავების განჩინება. მიუხედავად იმისა, რომ ბრალდების მხარის არგუმენტაცია იყო ძალიან სუსტი და არავითარი საფუძველი არ არსებობდა იმისთვის, რომ პატიმრობა ყოფილიყო შეფარდებული, ჯელალ ქიქავას შეუფარდა აღკვეთი ღონისძიების სახით პატიმრობა.

მიგვაჩნია, რომ ეს არის ჯელალ ქიქავას სახით მიხეილ სააკაშვილის პოლიტიკური მომხრეების დასჯა. იგი არის უბრალოდ მსხვერპლი ამ დიდ ამბავში. ამით პროკურატურა მიხეილ სააკაშვილის ყველა მომხრეს და უფრო მეტიც, ოპოზიციის სრულ სპექტრს, ყველას თითს უქნევს, ვისაც სისხლის სამართლის საქმე აღუძრეს“, – განაცხადა შოთა თუთბერიძემ.

ავტორი
ნინი ხიჯაკაძე