იუსტიციის მინისტრმა, ბექა ძამაშვილმა, იუსტიციის სამინისტროში გამართულ ბრიფინგზე, სტრასბურგის სასამართლოს გადაწვეტილების თაობაზე ისაუბრა, მსჯავრდებულ მიხეილ სააკაშვილთან მიმართებაში.
“ადამიანის უფლებათა ევროპულმა სასამართლომ განსახილველ საქმეთა სიიდან ამორიცხა მიხეილ სააკაშვილის საჩივარი, რომელიც შეეხებოდა პენიტენციურ სისტემაში მისი მკურნალობისა და მის მიმართ მოპყრობას.
კერძოდ, სტრასბურგის სასამართლოს შეფასებით, ამ საქმესთან მიმართებაში, არ არსებობს რაიმე განსაკუთრებული გარემოება ადამიანის უფლებების დაცვის თვალსაზრისით, რომლის გამოც საჭირო იქნებოდა საკითხის დამატებითი შესწავლა.
შესაბამისად, აღნიშნული გადაწყვეტილებით, კიდევ ერთხელ დადასტურდა, რომ პენიტენციურ სისტემაში მიხეილ სააკაშვილის მკურნალობა და მის მიმართ მოპყრობა სრულ შესაბამისობაშია ევროპული სასამართლოს მიერ სტანდარტებთან – სრულად დაცულია მისი უფლებები და ინტერესები.
მიხეილ სააკაშვილი ევროპული სასამართლოს წინაშე დავობდა, რომ პენიტენციურ სისტემაში მის წინააღმდეგ ხორციელდებოდა არასათანადო მოპყრობა და არასათანადო მკურნალობას“, – აცხადებს ბექა ძამაშვილი.
