“ჩვენ რომ მოგვაკითხოს ვინმემ, რა არ ვიბრძოლებთ?! – მეც ვიბრძოლებ!” – მეუფე იაკობი

ბოდბელი ეპისკოპოსი მეუფე იაკობი (იაკობიშვილი) უკრაინაში რუსეთის წინააღმდეგ ბრძოლაში დაღუპული ქართველი გმირების შესახებ აცხადებს, რომ მათ აირჩიეს გზა, რომელიც სამართლიანად მიაჩნდათ და თავი შეწირეს უკრაინელი ხალხის მშვიდობისათვის ბრძოლას:

,,ღმერთმა აცხონოს მათი უკვდავი სულები და დაამკვიდროს იქ, სადაც მართალნი განისვენებენ. მათ აირჩიეს ის გზა, რომელიც სამართლიან გზად მიაჩნდათ და თავი შეწირეს უკრაინელი ხალხისთვის მშვიდობისათვის ბრძოლას.

თვითონ მეც მიომია და ვიცი, რაც არის ომი, ამიტომ ძალიან განვიცდი.

ჩვენ მოვედით და პატივი მივაგეთ მათ ხსოვნას.

უკრაინელები იბრძვიან. ახლა ჩვენ რომ მოგვაკითხოს ვინმემ, ჩვენ რა არ ვიბრძოლებთ?! – მეც ვიბრძოლებ“, – განაცხადა მეუფე იაკობმა.

ავტორი
ნინი ხიჯაკაძე