“გასაკვირია, “ნაციონალურმა მოძრაობამ” საიდან იცის – ვინ სად ინიშნება უკრაინაში?!” – შალვა პაპუაშვილი

საქართველოს პარლამენტის თავმჯდომარე შალვა პაპუაშვილი კომენტარს აკეთებს შინაგან საქმეთა მინისტრის ყოფილი მოადგილის გია ლორთქიფანიძის დანიშვნაზე უკრაინის კონტრდაზვერვის დირექტორის მოადგილის თანამდებობაზე. მმართველი გუნდის წევრი აცხადებს, რომ საქართველოში ბრალდებული ადაიანი, როდესაც ინიშნება მაღალ თანამდებობაზე არ არის სასიმიავნო:

,,გასაკვირია, რომ „ნაციონალური მოძრაობა“ აჟღერებს და საიდან იცის ვინ სად ინიშნება უკრაინაში?! – მით უმეტეს კონტრდაზვევაში. გია ლორთქიფანიძე გახლდათ ორგანიზატორი მიხეილ სააკაშვილის საქართველოში შემოპარვით, აქ ქვეყნის არევის.

თავისთავად, როდესაც ასეთი ადამიანი, რომელიც ბრალდებულია ასეთ მძიმე დანაშაულში, ინიშნება მაღალ თანამდებობაზე, თან კონტრდაზვერვაში, რა თქმა უნდა, ეს არ არის სასიამოვნო.

გარდა ამისა, ჩვენ ვხედავთ ამ დღეებში ყოფილ გენერალურ პროკურორს, ზურაბ ადეიშვილს, რომელიც ასევე, როგორც ვხედავთ, არის გენერალური პროკურორის მრჩეველი.

რა თქმა უნდა, ეს არის სასიამოვნო, მაგრამ კიდევ ერთხელ ჩვენ ხაზს ვუსვავთ – ეს დღეები, ყოველ დღე, ახლა არ არის მომენტი ამ საკითხებზე საუბრის და ამ საკითხების განხილვის“, – განაცხადა შალვა პაპუაშვილმა.

შეგახსენებთ, რომ გია ლორთქიფანიძე იყო შინაგან საქმეთა მინისტრის მოადგილე, რომელიც წლებია უკრაინაში მოღვაწეობს. მას დაუსწრებლად წაუყენეს ბრალი საქართველოს მე-3 პრეზიდენტის, მიხეილ სააკაშვილის საქართველოში შემოსვლის საქმეზე.

ავტორი
ნინი ხიჯაკაძე