უკრაინის პრეზიდენტის ვოლოდიმირ ზელენსკის მოწოდებას, მეგობარი ქვეყნების ლიდერებისადმი, კიევში ჩასვლასთან დაკავშირებით, ეხმაურება მმართველი პარტიის ერთ-ერთი ლიდერი, პარლამენტის პირველი ვიცე-სპიკერი გიორგი ვოლსკი:
,,სერიოზული ნაბიჯები გადადგა ჩვენმა საკმაოდ დაზარალებულმა ქვეყანამ, მათ შორის ოკუპაციით დაზარალებულმა. საკმაოდ მძიმე საფრთხეების წინაშე მდგარმა ქვეყანამ ის პოლიტიკური ნაბიჯები გააკეთა, რომელსაც ყველა ვერ გაბედავდა, ასეთ სიტუაციაში. ამ მხრივ გამორჩეულია ჩვენი ქვეყანა.
ყველა იმოქმედებს ისე, როგორც მის სახელმწიფოს, მის ხალხს სჭირდება.
ნუ გავაკეთებთ აქცენტს მხოლოდ საქართველოზე, აქ არის მსოფლიოს ქვეყნები და რეალურად ჩასვლა/არ ჩასვლაზე არ არის საკითხი.
საკითხი არის ნებისმიერი ნაბიჯის ეფექტურობაზე“, – განაცხადა გიორგი ვოლსკიმ.
ავტორი
ნინი ხიჯაკაძე
