საქართველოს ხელისუფლების მიერ მიღებულ გადაწყვეტილებას, სომხური “მაცუნ”-ით დატვირთული ტრანსპორტის ტრანზიტული გადაადგილების აკრძალვასთან დაკავშირებით, ირონიული პოსტ-კომენტარით ეხმაურება პარტია “გამარჯვებული საქართველოს” ლიდერი ირაკლი ოქრუაშვილი:
“ჯერ არტაგ პირველმა არ გაატარა პომპეუსის ჯარი საქართველოზე სომხეთზე სალაშქროდ და ახლა ღარიბაშვილმა არ გაატარა სომხური “მაწუნი” საქართველოზე რუსეთის ბაზრის დასაპყრობად.
ასე იწერება ჭეშმარიტი ისტორია საქართველოისა.
მოვა დრო და ჟამთააღმწერელი დაწერს: ქართულმა საბაჟო მხედრობამ, ქიზიყელი ბატონიშვილის ხელმძღვანელობით სადახლოს ჭალებში ალყა შემოარტყა სომეხ სოვდაგართა ერევნიდან მომავალ ქარავანს, ალაგმა რა ქართული მაწონის სახელის გატეხვისკენ მიმართული კამპანია და მდინარე ხრამი სულ გაათეთრა წყალში გადაღვრილი სომხური მაწუნით. ასე გადარჩა მონღოლთა სანაშიერო მომხმარებელი ამჟავებული სომხური მთის იოგურტით მოწამვლისაგან,” – წერს ფეისბუქის პირად გვერდსა და კომენტარში ირაკლი ოქრუაშვილი.
