“სრული პასუხისმგებლობა მიხეილ სააკაშვილის ჯანმრთელობასთან დაკავშირებით ეკისრება ივანიშვილს და “ქართული ოცნების” ხელისუფლებას” – კობა ნაყოფია

,,ერთიანი ნაციონალური მოძრაობის“ პოლიტიკური საბჭოს თავმჯდომარე კობა ნაყოფია კომენტარს აკეთებს მიხეილ სააკაშვილის მომსახურების შემდეგ მონახულების შემდეგ. მისი განცხადებით, ნევროლოგიური პრობლემები, რომელიც მას გააჩნდა შიმშილობის შედეგად დღემდე არ არის მოგვარებული:

,,მას რეალურად აღენიშნება ძალიან მწვავე ანემია ასევე, ტაქიკარდია. ის ნევროლოგიური პრობლემები, რომელიც მას გააჩნდა შიმშილობის შედეგად, დღემდე არ არის მოგვარებული. ყველაფერ ამის ფონზე, მასთან არ უშვებენ მის პირად ექიმს. ზოგადად, არცერთი ექიმი, მათ შორის უცხოელი ექიმები, რომლებიც მზად არიან ჩამოვიდნენ და შევიდნენ მასთან, დღემდე არ არის თანხმობა.

სრული პასუხისმგებლობა მიხეილ სააკაშვილის ჯანმრთელობასთან დაკავშირებით ეკისრება ივანიშვილს და ,,ქართული ოცნების“ ხელისუფლებას.

რაც შეეხება სტრასბურგის სასამართლოს, ეს პროცესი მიმდინარეობს. დღეს, რაც ხდება მის თავს, ეს არის ჩვეულებრივად არადამიანური მოპყრობის და წამების გაგრძელება.

ულტიმატუმი არსად არ გამქრალა, ის გაავრცელებს სპეციალურ განცხადებას და მისი საბოლოო გადაწყვეტილება უახლოეს ხანებში იქნება ცნობილი. თქვენ იცით, რომ მიხეილ სააკაშვილი როდესაც რამეს იტყვის, აუცილებლად ასრულებს“, – განაცხადა კობა ნაყოფიამ.

ავტორი
ნინი ხიჯაკაძე