მიხეილ სააკაშვილის მიერ შეთავაზებულ ეროვნული შერიგების იდეას კიდევ ერთხელ ეხმაურება პარლამენტის თავმჯდომარე, შალვა პაპუაშვილი. მმართველი პარტიის ერთ-ერთ ლიდერი კონკრეტული მიზეზს ასეხელებს და მიაჩნია, რომ ამის გამო აღნიშნული შეთავაზება არის ფარსი:
“შერიგების ინიციატორი, თავის დროზე, იყო მიხეილ სააკაშვილი და ამ იდეის ინიციატორმა თავად გასცა პასუხი რას გულისხმობს ამაში იმით, რომ განაცხადა, “შავი სიები” უნდა შედგეს, ამიტომ ჩანს, რომ ეს თავიდანვე ფარსი იყო.
პრეზიდენტი ამბობს კიდევაც, რომ ტერმინი “შერიგება” არ არის სწორი. ის, რასაც გულისხმობს საკუთარ ფორმატში, არის წარსულის გააზრება. სხვათა შორის, ამასთან დაკავშირებით, პატრიარქის ეპისტოლეშიც იყო საუბარი, რომ ყველამ საკუთარ თავს გარედან უნდა შევხედოთ და სხვისი თვალით შევაფასოთ საკუთარი ქცევები.
“ნაციონალურ მოძრაობას” პრობლემა არა აქვს “ქართულ ოცნებასთან”, შესარიგებელი და შესათანხმებელი არაფერია. “ნაციონალურ მოძრაობას” პრობლემა აქვს დემოკრატიასთან იმით, რომ არ აღიარებენ ქართველი ხალხის არჩევანს და პრობლემა აქვთ კანონის უზენაესობასთან, იმით რომ არ აღიარებს სასამართლოს გადაწყვეტილებებს“, – აღნიშნავს შალვა პაპუაშვილი.
