პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, სოზარ სუბარმა კომენტარი გააკეთა საქართველოს მე-3 პრეზიდენტის შეთავაზებაზე – ეროვნულ შერიგებასთან დაკავშირებით. მმართველი პარტიის ლიდერის განცხადებით, მიხეილ სააკაშვილმა ჯერ ბოდიში უნდა მოუხადოს ყველა ადამიანს, რომელთაც ზიანი მიაყენა და პატიება მიიღოს. ამასთან მიაჩნია, რომ მიმდინარე პროცესების ქუჩაში გადატანით შერიგება და პოლარიზაციის შემცირება ვერ მოხდება:
,,კი ბატონო, შეთავაზება მიღებულია. მე მივაწოდებ დოდო აფხასიძის ტელეფონის ნომერს მიხეილ სააკაშვილს, რომელმაც თვითონ აღიარა, რომ გასცა ბრაძანება ოჯახის განადგურების, დაჭერის კი არა! – შეხვდეს, დაელაპარაკოს, მოუხადოს ბოდიში და მიიღოს პატიება.
მივაწოდებ ყველა იმ ადამიანის საკონტაქტო ნომერს, რომლებიც მისი ბრძანებით იქნენ მოკლულნი ქუჩაში თუ ციხეში – ნაწამები, გაუპატიურებული. – მოუხადოს ყველას ბოდიში, მიიღოს მათგან პატიება!
მოიხადოს სასჯელი და მერე ვილაპარაკოთ შერიგებაზე!
ქუჩაში პროცესების გადატანით შერიგება და პოლარიზაციის შემცირება არ ხდება! უნდა შეწყვიტონ რიგგარეშე არჩევნებზე ლაპარაკი! უნდა აღიარონ, რომ არჩევნები წააგეს…“, – განაცხადა სოზარ სუბარმა.
ავტორი
ნინი ხიჯაკაძე
