,,ქართული ოცნება – დემოკრატიული საქართველოს“ თავმჯდომარემ ირაკლი კობახიძემ კომენტარი გააკეთა საკონსტიტუციო ცვლილებებთან დაკავშირებით და ისაუბრა 2-პროცენტიანი ბარიერის საკითხზეც, თუმცა აქვე, მმართველი გუნდის ლიდერი აღნიშნავს, რომ მისი ამოქმედება დამოკიდებული იქნება ოპოზიციის ქმედებაზე, რაც რიგგარეშე არჩევნების დანიშვნის შემთხვევაში არ გავრცელდება:
,,ბევრი რამ იქნება დამოკიდებული სხვადასხვა სუბიექტის ქცევაზე და ქმედებებზე. ბარიერთან დაკავშირებით, ეს არის პატარა საჩუქარი, რომელიც შეიძლება გაუკეთდეს ოპოზიციას. ეს საჩუქარი მათ გაუკეთდებათ თუ არა, რა თქმა უნდა, საბოლოო ჯამში ჩვენს კეთილ ნებაზე იქნება დამოკიდებული!
ჩვენ უნდა დავრწმუნდეთ ერთ რამეშე, რომ არსებობს ოპოზიციურ სპექტრში სურვილი, არსებული პოლარიზებული გარემო შეიცვალოს. თუ ამ სურვილს ისინი აჩვენებენ შეიძლება მივიღოთ ერთი გადაწყვეტილება, თუ არ აჩვენებენ შეილება მივიღოთ სხვა გადაწყვეტილება.
რატომ? – იმიტომ, რომ თავისთავად დაბალი ბარიერი არის მიდრეკილი არასტაბილურობისკენ. ეს არის მთავარი მინუსი, რაც აქვს დაბალ ბარიერს. 2-პროცენტიანი ბარიერი უკეთესია თუ არა 5-პროცენტიანზე, ამაზე სიღრმისეული მსჯელობა არ ყოფილა. შეიძლება უარესიც არის.
როცა არ უნდა მიღოთ: ხვალ იქნება ეს, ზეგ თუ საგაზაფხულო ან საშემოდგომო სესიაზე, ჩემი პირადი პოზიციაა, რომ ეს ცვლილებები უნდა ამოქმედდეს აუცილებლად 2024 წლიდან.
თუ რაიმე ცვლილება ამოქმედდება, ბარიერის კუთხით, ეს ცვლილება უნდა ამოქმედდეს მხოლოდ და მხოლოდ 2024 წლიდან. რიგგარეშე არჩევნებზე არ გავრცელდება არც თეორიულად და არც პრაქტიკულად.
რიგგარეშე არჩევნები არ იქნება“, – განაცხადა ირაკლი კობახიძემ.
ავტორი
ნინი ხიჯაკაძე
