ჟურნალისტმა და ტელეწამყვანმა ნანუკა ჟორჟოლიანმა მიხეილ სააკაშვილის თავისუფლებისთვის რუსთავის ციხესთან გამართულ საპროტესტო აქციაზე განაცხადა, რომ წერილით მიმართა საქართველოს საპატრიარქოს და მოუწოდებს, რომ დაარღვიონ დუმილი და მოიქცნენ ისე, როგორც ჭეშმარიტ ქრისტიანებს შეეფერებათ:
,,მე დღეს მივმართე საქართველოს საპატრიარქოს და დავუსვი შეკითხვა: ნუთუ ჯაბა იოსელიანის სიცოცხლეზე მეტი არ ღირს, რაც მიხეილ სააკაშვილმა გააკეთა მათთვის, მათი გაძლიერებისთვის, ამ ქვეყნისთვის და თითოეული ჩვენგანისთვის?
ნუ თუ აღარ დადგა დრო, რომ საპატრიარქომ დუმილი დაარღვიოს?! ნუთუ არ დადგა დრო, რომ მოიქცნენ ისე, როგორც იქცევიან ჭეშმარიტი ქრისტიანები?!
სიმართლე გითხრათ, მე არ მაქვს იმედი, რომ საპატრიარქო გვიპასუხებს, მაგრამ მათ შევახსენებ, რამდენად ძვირი დაუჯდათ ზვიად გამსახურდიას დროს დაშვებული შეცდომების მოგერიება. რამდენად დიდხანს არ აპატია მათ სამეგრელომ ის, რაც თავის დროზე გააკეთეს!
და დღეს თითოეულ მათგანს არა მხოლოდ სამეგრელო, არამედ მთელი საქართველო უპასუხებს!“ – განაცხადა ნანუკა ჟორჟოლიანმა
