“კაი, ჩემო ძმაო, გასაგებია ყველაფერი… :)))” – ნინო ლომჯარიას საპასუხო ირონიულია

სახალხო დამცველი ნინო ლომჯარია მის მიერ გამოქვეყნებულ განცხადებაზე მმართველი პარტიის ლიდერების მხრიდან გაკეთებულ კომენტარებს ეხმიანება და კონკრეტულ შეფასებებთან ერთად ირონიულად პასუხობს:

“დღის ბოლოს, მოკლედ რომ შევაჯამო განვითარებული მოვლენები:

სახალხო დამცველმა აიღო ხელისუფლოების მიერ შექმნილი კონსილიუმის დასკვნა, რომლის თანახმადაც მიხეილ სააკაშვილის ჰოსპიტალიზაცია უნდა განხორციელდეს ისეთ კლინიკაში, სადაც იქნება მრტ, კტ, დუპლერ სკანირების აპარატი;
ექსპერტები წავიდნენ ციხის საავადმყოფოში და შეამოწმეს, იყო თუ არა ადგილზე აღნიშნული აპარატურა;
აღმოჩნდა, რომ არ იყო, რის შესახებაც საჯაროდ დავწერეთ;

ამას მოყვა შემდეგი რეაქციები:

დეპუტატმა ალუდა ღუდუშაურმა განაცხადა, რომ სახალხო დამცველი არის პოლიტიკურად მიკერძოებული;

ბ-ნმა ირაკლი კობახიძემ განაცხადა, რომ აღარ დაუშვებენ, რომ სახალხო დამცველი აღარ იყოს პარტიის კონტროლის ქვეშ;

დედაქალაქის მერმა ნერვიულად გადაიხარხარა…
რა შეიძლება ვთქვა?
კაი, ჩემო ძმაო, გასაგებია ყველაფერი… :)))” – წერს ფეისბუქის პირად გვერდზე ნინო ლომჯარია