“სტრატეგია აღმაშენებლის” თავმჯდომარე გიორგი ვაშაძე “ქართულ ოცნებას” მოუწოდებს დაუყოვნებლივ მოხდეს სასჯელაღსრულების დაწესებულებაში მიხეილ სააკაშვილის პირადი ექიმის შეშვება. ოპოზიციონერი ლიდერის თქმით, როდესაც ადამიანი ციხეში შიმშილობს სააკაშვილთან პირადი ექიმის შესვლის პრობლემა დღის წესრიგში არ უნდა იდგეს:
“ჩემთვის ცნობილია, რომ მიხეილ სააკაშვილის პირად ექიმს არ უშვებენ სასჯელაღსრულების დაწესებულებაში, რაც ვფიქრობ, რომ არის არაადამიანური მოპყრობა.
მოვუწოდებ “ქართულ ოცნებას” – დაანებეთ თავი მსგავს ქმედებებს. უბრალოდ სამარცხვინოა მსგავსი რამ. ეს ადამიანი გახლავთ მისი პირადი ექიმი, რომელიც მეთვალყურეობს მიხეილ სააკაშვილის ჯანმრთელობის მდგომარეობას და მით უმეტეს ამ მძიმე პოლიტიკურ ვითარებაში, როდესაც ადამიანი შიმშილობს, ასეთ საკითხებზე პრობლემა არ უნდა იქმნებოდეს.
კიდევ ერთხელ მოვუწოდებ “ქართულ ოცნებას”, დაუყოვნებლივ შეუშვან პირადი ექიმი მიხეილ სააკაშვილთან”, – აცხადებს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
