“მესამე ძალა – სტრატეგია აღმაშენებლის” ლიდერმა გიორგი ვაშაძემ მის მხარდამჭერებზე განხორციელებულ ზეწოლის თაობაზე ისაუბრა. ვაშაძემ ლაგოდეხსა და ნინოწმინდაში მომხდარი შემთხვევების კონკრეტული მაგალითები მოიყვანა, სადაც “მესამე ძალა – სტრატეგია აღმაშენებლის” მხარდამჭერები სამსახურებიდან გაანთავისუფლეს:
“სამწუხაროდ ჩვენს მხარდამჭერებზე კვლავ გრძელდება ზეწოლა, კონკრეტულად მინდა დავასახელო ლანჩხუთში და ნინოწმინდაში.
ლანჩხუთში “მესამე ძალა – სტრატეგია აღმაშენებლის” სიის პირველი ნომრის შვილი, გვანცა ჩხარტიშვილი გაანთავისუფლეს სამსახურიდან. გვანცა ახლაც საოლქო საარჩევნო კომისიაში ჩვენგან დანიშნული წევრია, ის მუშაობდა ბაღების მონიტორინგის მენეჯერის პოზიციაზე.
ნინოწმინდაში ჩვენი მხარდამჭერი გაანთავისუფლეს ვეტერინარის პოზიციიდან. რამდენი ვეტერინარი უნდა იშოვონ ნინოწმინდაში?! ყველაფრისდა მიუხედავად, პოლიტიკური ნიშნის გამო გაანთავისუფლეს ვეტერინარის პოზიციიდან წარმოუდგენელია..
ძალიან სამწუხაროა, რომ “ქართული ოცნება” კვლავ აგრძელებს წნეხს და თავდასხმას ჩვენს მხარდამჭერებზე. ჩვენ “მესამე ძალა – სტრატეგია აღმაშენებელი” ყველა მათგანის უფლებას დავიცავთ, თუ საჭირო იქნება სასამართლოსაც მივმართავთ”, – განაცხადა გიორგი ვაშაძემ.
პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის”
მედიასთან და საზოგადოებასთან ურთიერთობის სამსახური
