ადვოკატმა დიმიტრი საძაგლიშვილმა ჟურნალისტებთან კომენტაში აღნიშნა, რომ იმ დოკუმენტების თანახმად, რომელიც მას გადასცეს – არანაირი ინფორმაცია და ცნობა არ მოიპოვება, როგორ გადმოკვეთა საზღვარი საქართველოს მე-3 პრეზიდენტმა მიხეილ სააკაშვილმა:
,,რეალურად გამოდის, რომ ედავებიან იმ საქმეებზე, რაზეც ჩინჩალაძის სასამართლოს ,,გამარტყუნებელი“ განაჩენები არსებობს, იმ საქმეებზე, დანაშაულებზე – რატომ მოახდინე ამ დანაშაულების დაფარვა? ეს არის სრული აბსურდი! წარმოუდგენელი რამ არის, კიდევ ერთხელ ხაზს ვუსვამ, ივანიშვილის პროკურატურის და სასამართლოს პირობებშიც კი.
რაც შეეხება, მიხეილ სააკაშვილის საქართველოში შემოსვლის ფაქტს – ამ სისხლის სამართლის საქმეში არანაირი ინფორმაცია ამასთან დაკავშირებით არ არსებობს, ანუ ჩვენთვის გადმოცემული დოკუმენტების თანახმად, ძალოვანმა უწყებებმა არ იციან როგორ შემოვიდა მიხეილ სააკაშვილი საქართველოში!“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
