მთავარი კვლევა 2 ოქტომბერს იქნება – ასე გამოეხმაურა “მესამე ძალა-სტრატეგია აღმაშენებლის” ლიდერი გიორგი ვაშაძე “Edison Research”-ის კვლევის შედეგებს. ოპოზიციონერი ლიდერის შეფასებით, ყველა კვლევის სანდოობა საზოგადოებაში ძალიან დაბალია:
“საზოგადოებაში ყველა ამ კვლევის სანდოობა ძალიან დაბალია. მთავარი კვლევა იქნება 2 ოქტომბერს, სადაც მოვლენ საქართველოს მოქალაქეები. დარწმუნებული ვარ, რომ “მესამე ძალა – სტრატეგია აღმაშენებელს” ექნება მეტი მხარდაჭერა ვიდრე ამ კვლევებშია მოცემული. ხალხის განწყობა დღეს ასეთია, არ სურთ დღევანდელი, არც წარსული, მათ სურთ სიახლე, განვითარება და ქვეყნის წინსვლა” – აცხადებს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
