,,მესამე ძალა – სტრატეგია აღმაშენებლის“ ბოლნისის საკრებულოს მაჟორიტარობის კანდიდატმა მიხეილ მეტეევმა სააგენტო პარალელთან ინტერვიუში აღნიშნა, რომ პარტია ,,საქართველოსთვის“ აქტივისტებმა ,,მესამე ძალის“ მიერ გაკრულ პლაკატებს გადააკრეს საკუთარი მაჟორიტარობის კანდიდატის პოსტერები. როგორც მეტეევი აღნიშნავს, ეს არის უპასუხისმგებლო და სამარცხვინო საქციელი:
,,საქართველოში ბევრი სივრცეა, სადაც პლაკატების განთავსება შეიძლება და ვთვლი, რომ ეს სივრცეები თანაბრად უნდა გადაინაწილოს ყველა პარტიამ. ჩვენი მასალა განთავსებული იყო მუნიციპალიტეტის მიერ განსაზღვრულ ტერიტორიაზე.
ამორალურია ზოგადად სხვის პლაკატს შენი გადააკრა. ყველგან, სადაც ჩვენი პლაკატები განთავსდა იყო დატოვებული სივრცე სხვა საარჩევნო სუბიექტებისთვის და ვერავინ იტყვის ,,მესამე ძალის“ მხრიდან სხვის პლაკატებზე გადაკვრის ფაქტებს. ეს არის სირცხვილი უპასუხისმგებლობა, არაკაცობა – მეტი არაფერი!
ქვეყნის განვითარებისა და დემოკრატიული პრონციპებით სახელმწიფოს მშენებლობისთვის მნიშვნელოვანია თანაბარ პირობებში უხდებოდეს ყველა პარტიას წინასაარჩევნო კამპანიის ჩატარება.
აქ მხოლოდ პლაკატებზე არ არის საუბარი, არამედ უნდა დასრულდეს ყოველგვარი დაპირისპირება, რაც ქვეყნაში ხდება და პატივი ვცეთ, ყველა პოლიტიკური პარტიის წინა საარჩევნოდ ჩატარებულ სამუშაოებს“, – განაცხადა მიხეილ მეტეევმა.
ავტორი
ნინი ხიჯაკაძე
