“რეფერენდუმი ტარდება ხელისუფლების ცვლილებასა და რიგგარეშე არჩევნებზე და არა მიხეილ სააკაშვილის საქართველოში ჩამოსვლა/არჩამოსვლაზე“ – გიორგი ვაშაძე

საარჩევნოდ საქართველოში დაბრუნების თაობაზე მიხეილ სააკაშვილის მორიგ დაპირებასთან დაკავშირებით პოლიტიკური შეფასებები გაკეთდა. ,,მესამე ძალა – სტრატეგია აღმაშენებლის“ ლიდერ გიორგი ვაშაძეს მიაჩნია, რომ სააკაშვილის ეს განცხადება ყველაზე მეტად მმართველი გუნდისთვისაა მომგებიანი, ვინაიდან კვლავ გაუკეთებს მობილიზებას ამომრჩეველს:

,,სამწუხაროდ, უკვე მერამდენედ, მეორდება ერთი და იგივე, წინასაარჩევნოდ. დღეს ალბათ ყველაზე ბედნიერი არის ,,ქართული ოცნება“, ამ განცხადების მერე. იმიტომ, რომ ფიქრობს, ისევ საფრთხობელას შექმნის ახლა მიხეილ სააკაშვილის სახით და ისევ მობილიზებას გააკეთებს ამომარჩევლის.

რეფერენდუმი ტარდება ხელისუფლების ცვლილებასა და რიგგარეშე არჩევნებზე და არა მიხეილ სააკაშვილის საქართველოში ჩამოსვლა/არჩამოსვლაზე“, – განაცხადა გიორგი ვაშაძემ.

ავტორი
ნინი ხიჯაკაძე