პარტია ,,საქართველოსთვის“ თავმჯდომარის მოადგილე ნათია მეზვრიშვილი ეხმიანება სახალხო დამცველ ნინო ლომჯარიას პოზიციას არჩევნების გადადებასთან დაკავშირებით, ყურადღებას ამახვილებს პანდემიის პირობებში არჩევნების უსაფრთხო გარემოში ჩატარება აუცილებლობასთან დაკავშირებით და აცხადებს, რომ ,,თვეზე მეტია დარჩენილი არჩევნებამდე, ჯერ კიდევ შესაძლებელია სიტუაციის გამოსწორება“:
,,ის არის სახალხო დამცველი. მისი ვალია, რომ ადამიანის უფლებების დაცვაზე იზრუნოს და ეს არის ის პოზიცია, ჩემი აზრით, რაც მან დააფიქსირა ადამიანების სიცოცხლის და ჯანმრთელობის დაცვის ინტერესიდან გამომდინარე და მეტი არაფერი.
ხელისუფლებაზეა ის პასუხისმგებლობა, ისე ჩაატაროს ეს არჩევნები, რომ ადამიანების სიცოცხლეს და ჯანმრთელობას საფრთხე არ შეექმნას. აიღოს მან ეს პასუხისმგებლობა. თვეზე მეტია დარჩენილი არჩევნებამდე, ჯერ კიდევ შესაძლებელია სიტუაციის გამოსწორება“, – განაცხადა ნათია მეზვრიშვილმა.
ინფორმაციისთვის: სახალხო დამცველმა განმარტება გააკეთა არჩევნების გადადებასთან დაკავშირებით და აღნიშნა, რომ ეს შესაძლებელია პრემიერ-მინისტრის მიერ საგანგებო მდგომარეობის გამოცხადებით: “მას აქვს უფლება, გამოაცხადოს საგანგებო მდგომარეობა და საგანგებო მდგომარეობა არის არჩევნების გადადების ერთადერთი საფუძველი. საგანგებო მდგომარეობის გამოცხადების საფუძველი, თავის მხრივ, არის ეპიდემიოლოგიური მდგომარეობა“, – განაცხადა ნინო ლომჯარიამ.
ავტორი
ნინი ხიჯაკაძე
