პარლამენტის ფრაქცია ,,ქართული ოცნების“ თავმჯდომარემ მამუკა მდინარაძემ აღნიშნა, რომ თვითმმართველობის არჩევნებზე მმართველ პარტიას ექნება გაცილებით მაღალი შედეგი, ვიდრე დანარჩენ კანდიდატებს. მისივე შეფასებით, ამ ყველაფერზე გავლენას მოახდენს ის ფაქტორიც, რომ ოპოზიციურ პარტიებს ჯერ კიდევ არ ჰყავთ წარდგენილი კანდიდატები:
,,მთელი პასუხისმგებლობით შემიძლია გითხრათ, რომ არა მხოლოდ საქართველოში, არამედ ნებისმიერ ქვეყანაში საარჩევნო კამპანიის დროს, როდესაც უკვე დაწყებულია ოფიციალურად საარჩევნო კამპანია და რომელიმე პარტიები ვერ ასახელებენ თავიანთ კანდიდატებს ეს, ბუნებრივია, მათ რეიტინგზეც აისახება. იმიტომ, რომ ზოგ შემთხვევაში ადამიანური რესურსი არ არის, ზოგ შემთხვევაში შიდა განხეთქილებებია – ვერ ჯერდებიან კონკრეტულ კანდიდატებზე, ზოგ შემთვევაში სხვა მიზეზებია.
გარდა ჩვენი პარტიული რეიტინგისა, ეს ფაქტორიც იმუშავებს იმაზე, რომ ,,ქართულ ოცნებას“ ექნება გაცილებით მაღალი შედეგები, ვიდრე ყველა დანარჩენს ერთდ“, – განაცხადა მამუკა მდინარაძემ.
ავტორი
ნინი ხიჯაკაძე
