“თუ ,,ქართული ოცნება“ გააგრძელებს ყველა აღებული ვალდებულის დარღვევას, ანულირებას, არც ერთ ამ რეფორმას არ ჩაატარებს, შესაბამისად, ეს გზავნილია, რომ შესაძლებელია გადაიხედოს ვიზა ლიბერალიზაცია” – სერგო ჩიხლაძე

შესაძლოა გადაიხედოს ვიზალიბარალიზაციის საკითხი, თუ “ქართული ოცნება” არ შეასრულებს ევროკავშირთან მიმართებაში აღებულ ვალდებულებებს, აცხადებს ,,სტრატეგია აღმაშენებლის“ პოლიტიკური საბჭოს წევრი სერგო ჩიხლაძე, ევროკომისის მიერ მომზადებული ანგარიშის შეფასებისას:

,,ანგარიშში ყველა ის გზავნილი და ყველა ის რეკომენდაცია არის, რაც 19 აპრილის შეთანხმებაშიც იყო და რაზეც ,,ქართულმა ოცნებამ“ უარი განაცხადა.

ამიტომ ეს ერთგვარი სიგნალიც არის საქართველოს ხელისუფლებისადმი, რომ თუ ის გააგრძელებს ყველა აღებული ვალდებულის დარღვევას, ანულირებას, არცერთ ამ რეფორმას არ ჩაატარებს, შესაბამისად, ეს გზავნილია, რომ შესაძლებელია გადაიხედოს ვიზა ლიბერალიზაცია“, – განაცხადა სერგო ჩიხლაძემ.

შეგახსენებთ, ევროკომისიის მიერ მომზადებულ სპეციალურ ანგარიშში წერია, რომ საქართველომ უნდა დაასრულოს უზენაესი სასამართლოს რეფორმა და ამასთანავე, მოსამართლეთა შერჩევის პროცედურა უნდა შეუსაბამოს ევროპულ სტანდარტებს.

ავტორი
ნინი ხიჯაკაძე