საქართველოს “ეროპელი დემოკრატების” თავმჯდომარე ვლადიმერ ჩაჩიბაიას განცხადებას ეხმაურება. პაატა დავითაიას მიაჩნია, რომ გენერალური შტაბის უფროსის მიერ დაფიქსირებული პოზიცია შეესაბამება რუსეთის ფედერაციის დღის წესრიგს და ჩაჩიბაიამ აუცილებლად უნდა დატოვოს დაკავებული თანამდებობა.
“ყოვლად მიუღებელია ვლადიმერ ჩაჩიბაიას განცხადება, სადაც ის აფხაზეთსა და ცხინვალის რეგიონში არსებულ კონფლიქტებს შიდა სამოქალაქო ომად მოხსენიებს. ასეთი ნაბიჯი არის რუსეთის ფედერაციის დღის წესრიგი. იმედს ვიტოვებ, რომ იგი თავის ნათქვამს განმარტავს. საქართველოს დამოუკიდებლობის დღიდან, რუსეთი ახორციელებს ფართომასშტაბიან შეტევას საქართველოს წინააღმდეგ . ეს ასახულია დროებითი საპარლამენტო კომისიიის სამართლებლივ დასკვნაში, ასევე, ტალიავინის კომისიის დასკვნაშიც, სადაც აღნიშნულია, რომ რუსეთი ომისთვის დიდი ხნის განმავლობაში ემზადებობდა, ატარებდა რიგ ღონისძიებებს საქართველოს წინააღმდეგ, რისი შედეგიც არის აფხაზეთსა და ცხინვალის რეგიონში განვითარებული მოვლენები.
უკანასკნელი წლების განმავლობაში, ყველა საერთაშორისო ფორმატში, ყველგან, სადაც ამის საშუალება გვეძლეოდა, ჩვენ სწორედ ამ ტერმინის დამკვიდრების წინააღმდეგ ვმოქმედებდით. საპირისპიროს აკეთებდა რუსეთი – ის აქტიურად იყენებდა ამ ნარატივს.
მინდა ეს მოვლენები შევახსენო ჩაჩიბაიას და ვთვლი, რომ უნდა დაისვას მისი პოლიტიკური პასუხისმგებლობის საკითხი. იმ შემთხვევაში, თუ ეს მისი მხრიდან იყო შეგნებული და გააზრებული შეფასება, მან უნდა დატოვოს პოსტი!” – განაცხადა პაატა დავითაიამ.
ცნობისათვის: ქვეყნის შეიარაღებული ძალების იუბილესთან დაკავშირებულ ღონისძიებაზე სიტყვით გამოსვლისას, ვლადიმერ ჩაჩიბაიამ განაცხადა, რომ საქართველომ, ბოლო 28 წელიწადში 4 ომი გამოიარა, აქედან 3 სამოქალაქო და 1 რუსეთისგან ფართომასშტაბური აგრესია.
