ჟურნალისტმა, ,,მთავარი არხის“ სატელევიზიო შოუს ,,სხვა ნანუკას“ ავტორმა და წამყვანმა ნანუკა ჟორჟოლიანმა კომენტარი გააკეთა ქვეყანაში არსებულ მძიმე ეპიდემიოლოგიურ მდგომარეობაზე და აცხადებს, რომ საქართველოს პრემიერ-მინისტრმა ბათუმი მიუშვა იმიტომ, რომ ტიკარაძეს ებრძვის:
,,ახლა ყველა არის ბათუმში. ყველა, ვინც უსმენს ირაკლი ღარიბაშვილს და უყურებს მთავრობის სხდომას – შესაბამისად, ყველამ იცის რა ვაქხანალია ხდება ქვეყანაში.
ჩემი შიდა, ძალიან სარწმუნო წყარო ამბობს, რომ ამ ხელისუფლებამ ბათუმი მიუშვა იმიტომ, რომ ირაკლი ღარიბაშვილი ტიკარაძეს ებრძვის. შესაბამისად, ეს ბათუმის აფეთქებაც ამისთვის სჭირდებოდა“, – მიაჩნია ნანუკა ჟორჟოლიანს.
ჟურნალისტი ასევე ეხმიანება ირაკლი ღარიბაშვილის მიერ მთავრობის სხდომაზე გაჟღერებულ პოზიციას, როცა ეპიდემიოლოგიური მდგომარეობის გაუარესება საპროტესტო აქციებს დააბრალა:
“როგორც ჩანს ახლა, მისი ინტერესები გადმოვიდა აქეთ და ახლა მის ინტერესში უფრო მეტად შედის, რომ ისაუბროს ეს ყველაფერი აქციიდან მოდის. ირაკლი ღარიბაშვილმა საარჩევნო კამპანიის ნაწილად აქცია ზიზღი, არა მხოლოდ თავდასხმა. ზიზღს არასოდეს არ გაუმარჯვია, არასოდეს და ვერც ახლა ვერ გაიმარჯვებს!“ – განაცხადა ნანუკა ჟორჟოლიანმა.
ავტორი
ნინი ხიჯაკაძე
