,,სტრატეგია აღმაშენებლის“ ლიდერმა გიორგი ვაშაძემ ტელეკომპანია ,,პირველის’’ ეთერში, გადაცემა “პირველ ხაზში” მწვავედ ისაუბრა ქვეყნაში არსებულ მძიმე სოციალურ-ეკონომიკურ პრობლემებზე და აღნიშავს, რომ ბიძინა ივანიშვილს არ სურს ამ პრობლემებზე იყოს საუბარი:
,,სად არის ხალხის პრობლემა?! – გამაგებინეთ.
სად არის ჭიათურის პრობლემა, რომ ყვირილა შავია და ეკოლოგიურად გაუბედურებულია?!
სად არის ფოთის პრობლემა?! ფოთში პორტი – ერთადერთი საპორტო ქალაქია მსოფლიოში, რომელიც ასე მშიერია!
სად არის ბოლნისის და დმანისის პრობლემა?! – ოქრო გადის და მშიერია!
სად არის რუსთავის პრობლემა?! – კატასტროფული მდგომარეობაა!
სად არის ლეჩხუმის და ცაგერის პრობლემა, ამდენი ჰესი რომ აქვთ?! რატომ არის ეს ხალხი ჰესის წინააღმდეგი? – ამდენი ჰესი აქვთ და კაპიკი ამ ოჯახებს არ უნახავთ. ეს პრობლემები სად არის?!
ეს არის ივანიშვილის თამაში!
საზოგადოებას ვეუბნები – ჩვენ ,,სტრატეგია აღმაშენებლის“ გუნდი ივანიშვილის თამაშში მონაწილეობას არ ვაპირებთ! მას უნდა, რომ არ ვილაპარაკოთ უმუშევრობაზე, სიღარიბეზე, კორუფციაზე. არ უნდათ, რომ ილაპარაკონ უამრავ გაჭირვებაზე, რაც ქვეყანაშია“, – განაცხადა გიორგი ვაშაძემ ტელეკომპანია ,,პირველის“ ეთერში.
ავტორი
ნინი ხიჯაკაძე
