როგორც ცნობილია, ცესკოს თავმჯდომარე, თამარ ჟვანია 30 ივნისს გადადგა დაკავებული თანამდებობიდან, ხოლო საქართველოს პრეზიდენტმა სალომე ზურაბიშვილმა ღია კონკურსი გამოაცხადა და საკონკურსო კომისიის შექმნის შესახებ განკარგულება გამოსცა. აღნიშნულ ფაქტს გამოეხმაურა ,,სტრატეგია აღმაშენებლის“ ლიდერი გიორგი ვაშაძე:
,,ამ კომისიაში რამდენიმე კანდიდატურა საკმაოდ კარგია. პირდაპირ რომ გითხრათ, ზოგიერთი საერთოდ არ ვიცი ვინ არის.
მე მოვუწოდებ ყველას, ვისაც უნდა, რომ ქვეყნის განვითარებაში წვლილი შეიტანოს – მიიღეთ ამ კონკურსში მონაწილეობა. ისე არ აღმოჩნდეს, რომ 2-3 კანდიდატია და მერე ცუდსა და უარესს შორის არჩევანი იყოს გასაკეთებელი.
აქვე მინდა, ძალიან კონკრეტულად ვთქვა ჩემი ტესტი რა იქნება საუკეთესო ცესკოს თავმჯდომარეობის კანდიდატისთვის: სტრესულ ვითარებაში, როცა ხელისუფლება რაღაცა ზეწოლებს ახორციელებს მასზე, უნდა ჰქონდეს ეს ტესტი გავლილი და დამოუკიდებელი გადაწყვეტილება მიღებული“, განაცხადა გიორგი ვაშაძემ.
ავტორი
ნინი ხიჯაკაძე
