“ქართული ოცნების” თავმჯდომარე, საპარლამენტო უმრავლესობის ლიდერი ირაკლი კობახიძე საუბრობს ტელეკომპანიებში “მთავარ არხსა” და “ფორმულაზე” გამოტანილ კვლევებზე და აღნიშნავს, რომ აღნიშნული კვლევების მიზანია შედგეს კოალიცია გიორგი გახარიასა და “ნაციონალურ მოძრაობას” შორის:
,,გუშინწინ ჩვენ ვიხილეთ გვარამიას სიზმრები, გუშინ ვიხილეთ კეზერაშვილის სიზმრები. ამ სიზმრის ახსნა არის ძალიან მარტივი: მათ სურთ და ოცნებობენ იმაზე, რომ შედგეს ,,ნაციონალური მოძრაობის“ და გახარიას კოალიცია. ანუ ძალიან მარტივად იშიფრება მათი სიზმრები რეალურად იმ მონაცემებით, რომელიც გამოაქვეყნეს.
რა თქმა უნდა, ეს არის სიზმრები ისევე, როგორც ჩვენ მიჩვეული ვართ წინა არჩევნებიდან, რომ ვერასდროს ვერ ,,ახერხებდნენ“ ისინი შედეგების გამოცნობას. ძალიან მარტივი მიზეზის გამო, რა თქმა უნდა, ეს კვლევები არის პოლიტიკური ინტერესებიდან გამომდინარე“, – განაცხადა ირაკლი კობახიძემ.
ავტორი
ნინი ხიჯაკაძე
