“ხაზს ვუსვამ, ბადრი ესებუა იმყოფება საქართველოში” – ვახტანგ გომელაური

ეროვნული უსაფრთხოების საბჭოს სხდომის შემდეგ გამართულ ბრიფინგზე ბრალდებულ და ძებნილ ბადრი ესებუასთან დაკავშირებით კომენტარი გააკეთა შს მინისტრმა, ვახტანგ გომელაურმა და აღნიშნა, რომ შსს-ს ოპერატიული ინფორმაციით დამნაშავეს ქვეყანა არ დაუტოვებია:

,,ბადრი ესებუას დაკავებაზე ვმუშაობთ, რა თქმა უნდა. მნიშვნელოვანი თემაა, მით უმეტეს შინაგან საქმეთა სამინისტროსთვის – ღირსების თემაა პირდაპირ გეტყვით.

ასეთი რაღაც დიდხანია არ მომხდარა. იყო რაღაც თემები, თუმცა ვერ ვიტყვით, რომ დღეს და ხვალ იქნება, სახუმარო თემა ნამდვილად არ არის. ამდენი ადამიანი აყვანილი ჰყავდა მძევლად, სადღაც 34-35 ადამიანი, როგორც მახსოვს.

და კიდევ ვიძახი, ვისაც უნდა ბადრი ესებუას დაკავება და პასუხისგებაში მიცემა – ეს არის შინაგან საქმეთა სამინისტრო.

ხაზს ვუსვამ, ბადრი ესებუა იმყოფება საქართველოში. ჩვენი ოპერატიული ინფორმაციით, მას არ დაუტოვებია ქვეყანა“, – განაცხადა ვახტანგ გომელაურმა.

ავტორი
ნინი ხიჯაკაძე