ტვ “პირველის” ეთერში გადაცემა “საჯარო პოლიტიკაში”, ინტერნეტგამოცემა “ტაბულას” დამფუძნებელის, თამარ ჩერგოლეიშვილის პოზიციას, რომ “ორთავიანი გველეშაპი გვყავს დასამარცხებელი – ერთი თავია ბიძინა, მეორე მიშა” მწვავე შეფასებები მოჰყვა სოციალურ ქსელებში, რასაც საპასუხო პოსტით გამოეხმაურა ჩერგოლეიშვილი:
“მიშისტები დამესიენ და დამშვიდდით ხალხო – ჩემი ადრესატი ის ხალხია, ვისთვისაც ლიბერალური დემოკრატია ძვირფასია.
მე არ ველაპარაკები ფაფარაშლილ მიშისტებს. ეგ ხალხი არ არის ჩემი სამიზნე აუდიტორია.
ჩემი ადრესატი არის პროგრესული, ღირებულებებზე ორიენტირებული აუდიტორია. ეგ აუდიტორია მომწონს, ეგ აუდიტორიაა ჩემთვის ძვირფასი, მაგ აუდიტორიაში ვხედავ სასიკეთო ცვლილებების ძალას და მათ მივმართავ“, – წერს ფეისბუქის პირად გვერდზე თამარ ჩერგოლეიშვილი.
თამარ ჩერგოლეიშვილის პოზიცია ტვ “პირველის ეთერში”
