ლევან ვასაძის მიერ პოლიტიკური პარტიის შექმნის საკითხს ეხმაურება ,,ერთიანი ნაციონალური მოძრაობის“ პოლიტიკური საბჭოს წევრი ხატია დეკანოიძე. მისი განმარტებით, ღიად მოღალატეობრივი ნაბიჯებისა და რუსული ინტერესების გატარებას გამო, არ უნდა ჰქონდეს არჩევნებში მონაწილეობის შანსი:
,,ის არის, რომ მას ჰყოფნის თავხედობა და უტიფრობა, რომ ღიად მოღალატეობრივი ნაბიჯების, განცხადებებისა და დეკლარირების შემდეგ საქართველოში წარმოჩინდეს, როგორც ახალი პოლიტიკური პლატფორმის დამაარსებელი, რომელიც, რა თქმა უნდა, იქნება რუსული ინტერესების გამტარებელი.
ამიტომ ვასაძე, როგორც პოლიტიკური პლატფორმის სამომავლო გეგმებით და მათ შორის თუ იგი აპირებს, რომ მონაწილეობა მიიღოს არჩევნებში, ღიად მოღალატეობრივი პოზიციის გამო არ უნდა დარეგისტრირდეს, როგორც პოლიტიკური პარტია! არ უნდა ჰქონდეს საშუალება, რომ არჩევნებში მიიღოს მონაწილეობა!“, – განაცხადა ხატია დეკანოიძემ
შეგახსენებთ, რომ 10 დღის წინ ლევან ვასაძემ დააარსა საზოგადოებრივი მოძრაობა ,,ერთობა, რაობა, იმედი“ და განაცხადა: ,,ეს არის ის გაერთიანება, რომელიც სულ მალე გადაიქცევა პოლიტიკურ პარტიად და ჩვენი ხალხის მხარდაჭერით საქართველოში შეცვლის ამ გამოუვალ ვითარებას“.
ავტორი
ნინი ხიჯაკაძე
